දවස 06 - ඇලිස් ස්ප්‍රිංස්
රෑ තුනක් නවතින ඇලිස් ස්ප්‍රිංස් වල ගෙවන පළමු දවස. අපි නවතින්නේ Desert Palms Resort හෝටලේ. ඊයෙ හෝටලේට ආවේ ටිකක් වෙලා කාමරේ ඉඳන් මහන්සි අරින්න හිතාගෙන. නමුත් වැඩි වෙලාවක් ගියෙ නෑ හෝටලේ පිටිපස්සේ ගේට්ටුවෙන් ගොල්ෆ් ක්ලබ් එකට රෑ කෑමට ගියා. කෑමත් බීමත් දෙකම හොඳයි - ඊලඟට හොඳ නින්දක් තමා ඕන.
හෝටලේ පිටිපස්සේ ගොල්ෆ් පිටිය - බාගෙට කාන්තාර ගතියක් තියෙනවා.
යූකැලිප්ටස් මල්. මගෙ ශබ්දකෝෂය මේ ගස් වලට 'කපුරු ගස්' කිව්වට ඒක හරි කියලා මට හිතෙන්නේ නෑ.
එදා දවස පටන් ගත්තේ ටිකක් වෙලා ගිහින්. නගරය මැද තියෙන ඇන්සැක් හිල් මුදුනට අපි බස් එකේ ගෙනගියා (ANZAC Hill - ANZAC කියන්නේ ඔස්ට්‍රේලියා නිව් සීලන්ඩ් ආමි වල යුධ වැදුනන්ගේ එකතුවක් - රටේ හැම තැනම ඔවුන් සමරන ස්මාරක තියෙනවා).
කඳු මුදුනට නගරයත් අවට කඳුත් හොඳින් පෙනෙනවා.
ඇන්සැක් කන්දෙන් පස්සේ අපි ටවුමෙන් දවල්ට කාලා පයින් හෝටලේට ආවා. ඒ අඩි පාර එන්නේ (ඔස්ට්‍රේලියාවේ) ප්‍රසිද්ධ ටොඩ් ගඟ (Todd River) අද්දරිනුයි (මේ ගඟ ගැන හෙට පිංතූර එක්ක ලියන්නම්)
අදට එපමණයි - කලබල නැති හවස් වරුවක් හෝටලේ. අද රැ මාග් මට රෑ කෑම අරගෙන දෙනවා - මගේ 74 උපන් දිනේ අද - මට ජයවේවා!
No comments:
Post a Comment